Marcos, minamata ang AI sa pagbuo ng batas

‎Inihayag ni Pangulong Ferdinand 'Bongbong' Marcos Jr. na pabor siya sa pagpapalakas ng paggamit ng Artificial Intelligence (AI) sa ikauunlad ng bansa, maging sa pagbuo ng batas.

‎

‎Ito’y kaniyang sinabi sa Part 1 ng BBM Podcast Episode 6 na ipinalabas nitong Martes, ika-9 ng Disyembre kung saan tinanong siya kung magpapatupad ba ang gobyerno ng mga regulasyon sa paggamit ng AI.

‎

‎“We’re talking about that because people keep saying that no matter what we do, it will always be there—it’s no longer going away—AI is already here. It will only continue to grow and expand,” sambit ni Marcos.

‎

‎“Legislation is always years behind technology. And the reason is, generally, legislators do not immediately understand technology," dagdag niya.

‎

‎Idiniin pa niya na dapat sulitin ng Pilipinas ang mga benepisyo ng artificial intelligence, ngunit dapat ring maging maingat ang mga gumagamit sa posibleng maling paggamit nito.

‎

‎“What's the best way for the Philippines to take full advantage, to maximize the use of AI… The other side of the equation is: what are the things na kailangan bantayan natin,” paliwanag ng pangulo.

‎

‎Binigyang-pansin niya rin ang kahalagahan ng pagbabantay laban sa 'fake news' at disinformation.

‎

‎Sa kabilang banda, matatandaang binanggit ni Marcos nakaraang buwan na hinihimay ng pamahalaan ang paggamit ng AI sa pagpapatupad ng mga flood control projects para ito’y masubaybayan at matukoy ang iregularidad.