PBBM, handa sa imbestigasyon tungkol sa donasyon sa kampanya

Ipinahayag ni Undersecretary Claire Castro na handa si Pangulong Ferdinand 'Bongbong' Marcos na sumailalim sa imbestigasyon kaugnay ng mga alegasyon na tumanggap siya ng P21 milyong donasyon mula sa mga contractors noong kanyang kampanya noong 2022. Ang pahayag ay kasunod ng report ng Philippine Center for Investigative Journalism (PCIJ) na nag-uugnay sa Pangulo sa nasabing donasyon Ayon pa kay Castro, "Matapang po ang Pangulo at hindi niya ie-excuse ang sarili niya." Tiniyak ng Malacañang na bukas ang pangulo sa anumang proseso ng paglilinaw upang mapanatili ang integridad at transparency ng kanyang administrasyon.