Antiqueño nagdaos ng kilos protesta kontra korapsyon

Dumagsa ang mga estudyante, religious groups, at mga guro ang EBJ Freedom Park sa San Jose, Antique kaninang umaga Nobyembre 30 upang manawagan kontra korapsyon, kapabayaan, at pag sira ng kabukiran sa probinsya sa temang “Bugtaw Antique.”

Nag tipon ang mga dumalo sa Saint Anthony’s College (SAC) at Bishop’s House North Delegation para sa peace walk patungong EBJ Freedom Park pasadong alas 9:00 ng umaga.

Nagbigay ng mensahe ang iba’t-ibang community leaders at advocates ng probinsya at nanawagan sa lokal at nasyonal na gobyerno ng transparency, accountability, at environmental protection.

Kabilang sa mga nag bigay ng mensahe sila Most Rev. Leon T. Estrella, obispo ng Iglesia Filipina Independiente at Rev. Fr. Edionne Febrero direktor ng Social Action ng Diocese of San Jose de Antique.

Samantala, ayon kay Atty. Rolly Pedriña chairperson ng Amlig Antique Alliance (AMLIG) ang ilang proyekto sa probinsya ay hindi sumusunod sa tamang proseso at may kakulangan sa environmental compliance certificate.

Nanawagan naman ang isa sa apektado ng Laua-an to Capiz road construction ng Sunwest Corporation na si Mary Demetrio na bayaran sila sa mga nasirang taniman sa Barangay Maybunga, Laua-an.

“Bali ang apektado 12 pamilya [at] may dumagdag na tatlo bali 15 families na, ang aming taniman [ay] totally damaged, hindi na mapakinabangan, [at] hindi na mataniman ulit,” aniya.

Ang naturang pag kilos ay kasabay sa pagdiriwang ni Andres Bonifacio at sa malawakang Trillion March 2.0 sa bansa.

Pinangunahan ng Diocese of San Jose de Antique kasama ang AMLIG ang pagkilos na tumagal hanggang 12:00 ng hapon.

Matatandaan, nanawagan si Most Rev. Marvyn A. Maceda ng Diocese of San Jose de Antique sa mga Antiqueño noong Nobyembre 29 na dumalo sa naturang pagkilos bilang pag suporta sa isinagawang Trillion March Peso.